2021 йилнинг 8 май куни “Uzbekistan GTL” Техник Директори жаноб Марсел Краузе томонидан GTL синтетик суюқ ёқилғи ишлаб чиқариш мажмуасида ўрнатилган оловли печларни хавфсиз ишлатиш бўйича компания муҳандис ва техник мутахассислари учун тренинг ташкил этилди.
Тренинг давомида иштирокчилар мажмуанинг ҳар бир печнинг техник хусусиятлари ва параметрлари, уларни хавфсиз ишлатиш, техник ва сервис хизмат кўрсатиш хусусиятлари ҳамда тузилиши ва физик-кимёвий жараёнларининг асосий жиҳатларини батафсил ўргандилар.
Тренинг иштирокчилари бошқа ишлаб чиқариш корхоналарининг шу каби печларни ишлатиш тажрибасидан олинган дарслар билан танишдилар, шунингдек, ушбу қурилмаларнинг нотўғри ишлатишнинг эҳтимолий сабаблари ва оқибатларни муҳокама қилдилар. Шунингдек, тренинг иштирокчиларига печнинг тўғри ишлаш моделини тузишнинг назарий асослари ва воситалари тақдим этилди.
“Uzbekistan GTL” матбуот хизмати