Ёш мутахассислар ва олий таълим муассасаларининг битирувчилари диққатига!

image

Сиз Uzbekistan GTL компаниясига ишга кириш истагидасиз, аммо қандай қилиб ва қаерга резюме юборишни билмаяпсизми?

“Uzbekistan GTL” компаниясига ишга кириш истагида бўлган номзодларни онлайн рўйхатдан ўтиш учун расмий ва ягона jobs.uzgtl.com  https://jobs.uzgtl.com   янгиланган онлайн платформаси ишга туширилганини мамнуният билан маълум қиламиз.

Эндиликда номзодларнинг рўйхатдан ўтиши учун қулай бўлган jobs.uzgtl.com https://jobs.uzgtl.com онлайн портали яратилди. Рўйхатдан ўтиш 3 босқичда амалга оширилади, булар:

1.  Мутахассислигингизга мос бўлган касб йўналишини танлаш

2.  Резюме юбориш ва сўралган анкета маълумотларини тўлдириш

3.  Онлайн тест топшириш

Ушбу порталдан самарали фойдаланиш учун қуйидаги йўриқнома билан танишиш тавсия этилади:

Аввало Компаниянинг расмий веб-сайти uzgtl.com ни очинг, сайтнинг “Карьера” саҳифасига киринг ва “Резюме юбориш” тугмасини босинг ва мантиқий кетма кетликда сўралган маълумотларни киритинг ва/ёки қўйидагиларни бажаринг:

1.  jobs.uzgtl.com https://jobs.uzgtl.com веб-сайтига киринг ва ўзингизга қулай бўлган тилни танланг.

2.  Мутахассислигингизга мос равишда таклиф этилаётган йўналишлардан бирини танланг. Ушбу касб йўналишига қўйилган талаб ва вазифалар билан батафсил танишиб чиқинг ва “Мурожаат қилиш” тугмасини босинг.

3.  Сўралган анкета маълумотларни киритинг ҳамда “резюме”ингизни юкланг. Сўнг “Юбориш” тугмасини босинг. Сизнинг анкета маълумотларингиз қабул қилинади ва танланган йўналишингиз бўйича бирламчи онлайн тест саволлари тақдим этилади.

4.  Онлайн тест саволларини ечинг. Саволларга жавоб бериш учун 1 соат тақдим этилади.

Агар Сизнинг мутахассислигингиз ва/ёки иш тажрибангиз Компанияда мавжуд бўлган вакант иш ўринларининг мезонларига тўғри келса ҳамда тест натижаларингиз ижобий бўлса Сиз билан бир ҳафта ичида электрон почта ёки Сиз қолдирган телефон рақамлари орқали Компаниянинг масъул ходимлари боғланишади.

Агар ушбу муддат ичида Сиз билан Компания вакиллари боғланишмаса, Сизнинг анкета маълумотларингиз ва тест натижаларингиз Компаниянинг вакант иш ўринларига ишга қабул қилиш учун етарли эмас деб ҳисобланган ва ўз устингизда пухта тайёрланган холда 3 ойдан сўнг қайта рўйхатдан ўтишингиз мумкин бўлади.

Диққат! Қоғоз шаклидаги, электрон ва тезкор почта орқали тақдим этилган резюме ва маълумотномаларни юбориш тавсия этилмайди.

Ишга кириш истагида бўлсангиз фақатгина jobs.uzgtl.com https://jobs.uzgtl.com онлайн платформаси орқали рўйхатдан ўтинг, тест синовларини муваффақиятли бажаринг ва Компаниянинг истиқболли кадрлар заҳирасига ва жамоаси сафига қўшилинг!

 

 «Uzbekistan GTL» компаниясинг расмий саҳифаларини кузатиб боринг.