“EXPO 2020” (Дубай, БАА) бутунжаҳон кўргазмасида Ўзбекистон энергетика ҳафталиги доирасида “Uzbekistan GTL” вакиллари “D.G.A Iron ore Trading” (БАА) компанияси билан бизнес-учрашув ўтказди.
“D.G.A Iron ore Trading” компанияси “Uzbekistan GTL” заводининг келажакда ишлаб чиқариладиган маҳсулотларини харид қилишга катта қизиқиш билдирди, шунингдек, GTL маҳсулотларининг аъло сифати ва уларга жаҳон бозорларида кузатилаётган энг юқори талабни таъкидлади.

Учрашувда қўшма ҳамкорлик доирасидаги келгусидаги ҳаракатлар белгилаб олинди.
Маълумот учун. “Uzbekistan GTL” заводи маҳсулотлари биринчи навбатда республика ички бозорида сотилади, заводнинг ишлаб чиқариш қуввати эса бозор талабидан келиб чиққан ҳолда маҳсулот ҳажмининг бир қисмини экспортга ҳам етказиб бериш имконини беради.