“World Expo 2020” (Дубай, БАА) кўргазмасида Ўзбекистон энергетика ҳафталиги доирасида “Uzbekistan GTL” вакиллари “REX Resources FZE” (БАА) билан бизнес-учрашув ўтказди.
“REX Resources FZE” компанияси “Uzbekistan GTL” заводининг келажакда ишлаб чиқариладиган маҳсулотларини харид қилишга катта қизиқиш билдирди. “REX Resources FZE” вакиллари замонавий GTL маҳсулотларининг юқори сифати, экологик хавфсизлиги ва афзалликларини алоҳида таъкидладилар. “Uzbekistan GTL” заводи қурилиши ўз вақтида якунлангани, унинг келажакдаги ўрни ва жаҳон нефт маҳсулотлари бозорларидаги улкан салоҳияти алоҳида таъкидланди.

Учрашувда қўшма ҳамкорлик доирасидаги кейинги ҳаракатлар ҳам белгилаб олинди.
Маълумот учун. “Uzbekistan GTL” заводи маҳсулотлари биринчи навбатда республика ички бозорида сотилади, заводнинг ишлаб чиқариш қуввати эса бозор талабидан келиб чиққан ҳолда маҳсулот ҳажмининг бир қисмини экспортга ҳам етказиб бериш имконини беради.